Կարևոր նախաձեռնության մեկնարկը տրված է. Արմեն Մուրադյան

Հայաստանում առաջին անգամ ԵՊԲՀ քոլեջը 2021-2022 ուսումնական տարում հայտարարում է ընդունելություն՝ «Պրոթեզիստ-օրթեզիստ-տեխնիկ» մասնագիտությամբ:

Այս մասին հայտնում է Երևանի պետական բժշկական համալսարանի ռեկտոր Արմեն Մուրադյանը։

«Կարևոր նախաձեռնության մեկնարկը տրված է։

Հայաստանում առաջին անգամ ու հենց ԵՊԲՀ-ն կիրականացնի «Պրոթեզիստ-օրթեզիստ-տեխնիկ» մասնագիտությամբ ընդունելություն։

ԵՊԲՀ քոլեջ կարող են ընդունվել 9-րդ և 12-րդ դասարաններն ավարտած աշակերտները՝ առանց տարիքային սահմանափակման:

«Պրոթեզիստ-օրթեզիստ-տեխնիկ» մասնագիտությամբ ուսուցումը քոլեջում 9-րդ դասարանի հիմքով 3 տարի, 12-րդ դասարանի հիմքով՝ 2 տարի տևողությամբ է:

Դիմումներն ընդունվում են մինչև օգոստոսի 2-ը:

Դիմորդներն ընդունելության հայտը լրացնում և հանձնում են էլեկտրոնային տարբերակով՝ dimord.emis.am կայքի միջոցով, որտեղ անհրաժեշտ է ներբեռնել պահանջվող փաստաթղթերը»,- ասված է հայտարարության մեջ:

նյութի աղբյուր՝ iravaban.net