Արման Աբովյանը բաց նամակ է հղել ՀՀ ԱԳՆ-ին

ԲՀԿ-ական Արման Աբովյանը բաց նամակ է հղել ՀՀ ԱԳՆ-ին. «Հարգելի՛ գործընկերներ, հաշվի առնելով այն հանգամանքը, որ օրեր առաջ մի շարք երկրների դեսպաններ այցելեցին թուրք-ադրբեջանական տեռորիստական ուժերի կողմից օկուպացված Արցախի Հանրապետության տարածքներ, մասնավորապես՝ Շուշի քաղաք, խնդրում եմ հայտնել հետևյալը.

• Ի՞նչ քայլեր են կատարվել ՀՀ ԱԳՆ կողմից՝ կանխելու ադրբեջանական կողմի սույն սադրիչ գործողությունները դիվանագիտական դաշտում:

• Պատրաստվո՞ւմ է արդյոք ՀՀ ԱԳ նախարարությունը դիմել դիվանագիտական քայլերի, մասնավորապես՝ բողոքի նոտաներ հղել այն պետությունների դիվանագիտական հաստատություններին, որոնց ներկայացուցիչներն այցելել են
թուրք-ադրբեջանական տեռորիստական ուժերի կողմից օկուպացված Արցախի Հանրապետության տարածքներ:

• Եվ առհասարակ, խնդրում եմ պարզաբանում տալ՝ արդյոք ՀՀ կառավարությունը և ՀՀ ԱԳՆ համարում են տվյալ տարածքները թուրք-ադրբեջանական տեռորիստական
ուժերի կողմից օկուպացված Արցախի Հանրապետության տարածքներ, թե՞ ոչ»:

նյութի աղբյուր՝ mamul.am